Hüseyn Cavid yaradıcılığı ABŞ-da tədqiq olunur

11.04.2014

Hüseyn Cavid yaradıcılığı ABŞ-ın Massaçusets Amherst Universitetində tədqiq olunur. Həmin universitetin professoru Audrey L.Altstadt H.Cavid yaradıcılığının tədqiqilə uzun müddətdir ki məşğul olur. Onun Beynəlxalq Dil və Ədəbiyyat jurnalının (Journal of Language and Literature) 2014-cü ilin fevralında çapdan çıxan 5-ci cildin 1-ci sayında "Hüseyn Cavid və Azərbaycan Yazıçılar Birliyi" ("Husein Javid and The Writers Union of Azerbaijan") adlı məqaləsi də çap olunmuşdur. Audrey L.Altstadt 2012-ci ildə AMEA Hüseyn Cavidin Ev Muzeyinin H.Cavidin 130 illik yubileyi münasibətilə keçirdiyi "Hüseyn Cavid yaradıcılığı çağdaş təfəkkür işığında" adlı beynəlxalq elmi konfransda azərbaycan dilində məruzə etmişdir. Hazırda alim AMEA Hüseyn Cavidin Ev Muzeyi ilə sıx əlaqədədir və tədqiqatını davam etdirir.